19-vjeçarja, Ornela Gjini, e dashura e biznesmenit të vrarë me C4 në Vlorë, del nga rreziku për jetën.
Lajmi është bërë i ditur nga mjekët e QSUT-së, të cilët shprehen se ajo e ka kaluar tashmë rrezikun.
“19 vjeçarja po mjekohet vetëm në këmbë për djegjet që ka pësuar. Vajza është e ndërgjegjshme”, kanë pohuar mjekët.
Ornela Gjini ndodhej në mjetin e biznesmenit Isuf Brahimaj në momentin që mjeti i tij shpërtheu pasi i bënë atentat. Nga shpërthimi ajo mori plagë të rënda dhe prej disa ditësh ndodhej në gjendje kome.
Drejtuesi i mjetit, Isuf Brahimaj, mbeti i vdekur në vend.