Postriba nuk ishte kryengritje, z.President

Letër e nënshkruar

Eqerem Kajo, Adem Kurtulaj

Me 9 shtator te këtij viti u rikujtua lëvizja e Postribës por jo me pjesmarje dhe entuziazin si në vitet kur ishte në pushtet PD. Aty mungonte Jozi dhe kryeministri i përmbysur Sali Berisha. Por vëndin e tij e zuri Presidenti Nishani dhe Krytari i Bashkise Lorec Luka, kryetar që rrallë e shikon në ekranet e televizorit sepse i jane shteruar mendimet nga jeta e gjate në kupolën e Bashkisë.

Une e ndoqa këtë aktivitet dhe dëgjova me vëmendje fjalimin e Nishanit me mustaqe. Jam njohës i historis për këtë zonë për vete faktin se kam qenë ushtarak dhe jam njohur me çdo familje për ngjarjet e Postribës. Kam qëne shef shtabi i Brigades 21 të Këmbësorisë dhe në historikun e saj, kishte të shënuar dhe këtë ngjarje nga e cila ishte vrarë dhe një oficer i saj.

Të vjen shumë keq kur dëgjon gafa të tilla nga goja e një Presidenti që nuk di te dallojë lëvizjet nga kryengritja apo pucet ushtarake etj; aq më keq që Presidenti vjen nga fusha e shkollimit ushtarak. E ka bërë në shkollë Historinë e Artit Ushtarak dhe atë të LANÇ-it. Për të bindur këdo por më teper Presidentin le t’i thote kryetarit të Bashkisë Shkodër, pse i kini vëne emrin rrugës (Rus – Fermentim ) “Lëvizja e Postribës” dhe jo Kryengritja e Postribës? Pra edhe vetë demokratet e Shkodrës e quajnë “levizje”, ndërsa Presidenti i Salës dhe Jozi e kanë quajtur Kryngritje per të rritur shkallën e vlerësimit e për t’u bërë qejfin dallkaukeve të sotem që përfaqesojnë të djathtën ekstreme.

Presidenti ynë që perfaqeson unitetin e popullit na thote brockulla ashtu si edhe Berisha e Jozi se kjo ishte nje kryengritje anti komuniste, e para në Evrope (!). Evropa dhe koalicioni antifashist e njohu Shqiperine si një kontribuese e luftes për çlirimin nga pushtuesi italo-gjerman dhe kjo eshte nje nder i madh per popullin shqiptar. Dhe jo levizjen e Postribes qe “e djathta” do ta ngrejë në një piedestal të pa merituar.