Eh, edhe populli që dëgjon këta gjithë natën!

Të enjten mbrëma, ata u mblodhën për të diskutuar mbi arrestimin e Ardian Fullanit. Emisioni “Opinion” i Fevziu B. nisi sezonin e ri televiziv me një panel të vjetër. Të ftuar në studio; Frangaj (i zoti i shtëpisë), Hoxha (analist dhe ish-kandi­dat për president), Zheji (drejtor i Mapo), Rakipi (Drejtor i ri i Ora Neës), Stefani (analist) dhe Lubonja (gjitholog) kishin zënë vend përballë njëri-tjetrit.

Të gjashtë këta nuk bënë gjë tjetër vetëm sa shkak­tuan një irritim në rrjetet sociale. Ndër të parët që reagoi për këtë debat ishte gazetari i “Xhunglës” Artan Hoxha. Në profilin e tij në Facebook ai shkruan:

“Analistët më me emër dhe të kudondodhur në vend, modera­torët më të paguar që moderojnë në oraret më të ndjekura dimër-verë, u shfaqën sot në mbrëmje, ashtu siç na kishin premtuar, menjëherë sapo lanë pushimet në resortet luksoze dhe veshën kostumet e kashmirit, për të na ndriçuar se: “Arrestimi i Ardian Fullanit, përveçse ishte i paligjshëm, është dhe një gabim i madh me pasoja të rënda për vendin. Ai (Fullani) thjesht ka shpërdoruar detyrën, ai nuk paska vjedhur, ai nuk ka fare përgjegjësi se i fluturuan 7.13 miliardë lekë nga thesari i Bankës, ai nuk duhej të ishte në burg këtë mbrëmje, dhe nëse do ishte i lirë, ai pra (Fullani) mund të ishte duke darkuar me të gjithë këta burra”.

Dhe si qershia mbi tortë, në një moment debati, Frangaj vetëz­bulohet pa dashje, i thotë Ylli Rakipit të mos nxehet sepse ata më parë e kishin bërë me fjalë që do bënin sikur do ziheshin!? Eh, edhe populli që dëgjon këta gjithë natën!