Strukturat e Komisariatit finalizuan operacionin e koduar “Surpriza” dhe arrestuan 4 të dyshuar për tentativë grabitjeje, dy prej të cilëve me precedentë për vjedhje. Të ndaluarit janë Ersit Kulla, 22 vjeç, Ilir Shahllari, 25 vjeç, nga Tirana, Leonard (Romeo) Rakipllari, i dënuar më parë për vjedhje dhe Enri Vrapi, 25 vjeç, banues në Tiranë, i dënuar më parë për vjedhje. Në datën 1 shtator ata dyshohen se në bashkëpunim kanë tentuar të grabisin me dhunë qytetarin me inicialet S. P., në lagjen nr. 8. Gjatë aksionit iu kapën kapuçë, fishekë dhe hashash.