Bamir Topi: Bojkoti po e çon drejt falimentimit PD-në

Kreu i FRD-së, Bamir Topi, thotë se Partia Demokratike po shkon drejt falimentimit me bojkotin e Kuvendit.

Sipas tij, kjo parti po shkon poshtë e më poshtë.

“Unë edhe kur kam qenë pjesë e asaj partie kam qenë kundër bojkotit.

Të braktisësh institucionin më të rëndësishëm, qysh aty ke firmosur falimentimin .

Le të ecin me aluçinacione, sepse kjo lloj taktike do t’i cojë jashtëzakonisht poshtë.

Më poshtë seç kanë rënë”, ka thënë ai për emisionin e Ilva Tares.

Topi ka komentuar edhe mundësinë e emërimit të Ina Ramës si pasuese e Elvis Çefës në KLD:

“Unë kam parë me shqetësim, sesi Këshilli i Lartë i Drejtësisë, ka trajtuar kërkesën e ish-prokurores.

Pra, e kuptoni si vijnë punët në Shqipëri; këtu mund të jesh shumëkush, të kalosh sfida, të marrësh etiketime, pra do të thoja, persekucione publike për shkak të detyrës dhe në fund fare mbetesh në rrugë.

Kjo është shumë e rëndë dhe nuk mund të ndodhë në asnjë vend tjetër, sepse KLD vjen me fluks politike nga selitë e partive.

Në rast se KLD do të kthehet në një format serioz, ku secili të kuptojë që më shumë se personaliteti i tyre nuk vlen asgjë tjetër.

Vërtet cdo njeri beson në një opsion politik.

Ai që thotë se nuk besoj në një opsion politik, ai mashtron.

Edhe në gjykatat e vendeve më të zhvilluara kanë preferencat e tyre, por kur vjen pun ate ligji, ajo që duhet të prevalojë te një jurist, i standardit të KLD duhet të jetë personalitet i tij, duhet të jetë profesionalizmi dhe nuancat politike le të jenë në sfond, por nuk po e bëjnë.

Ato e lincojnë ish-prokuroren, e lincojnë dhe nuk i japin asnjë lloj të drejte, madje një pjesë prej tyre krenohen sesi ja bëmë.

Krenohen edhe para atyre që këshillohen për tja bërë në këtë mënyrë.

Nuk është normale, nuk është e drejtë, sepse ne kujtojmë që gjerat konsumohen brenda Shqipërisë, në fund fare të tjerët që janë përfaqësues të shteteve të tjera ambasadorët janë shumë metodikë, shënojnë cdo ditë, shkruajnë dhe transmetojnë”, tha ish-presidenti.