Deputeti i “Demokracisë së Re”, Manolis Kefalogiannis, kërkon ndërhyrjen e Komisionit Europian për çështjen e rishikimin të teksteve shqiptare për pjesët që kanë të bëjnë me Greqinë.
Mediat greke bëjën të ditur se deputeti Kefalogiannis, i cili është pjesë e grupit parlamentar të kryeministrit Samaras, në letrën dërguar BE-së shkruan se “shqiptarët qytetet greke të Prevezës, Igumenicës, Pargës dhe Kosturit i quajnë qytete shqiptare në tekstet shkollore”.
Shqetësimi i deputetit grek lidhet dhe me tekstin e Historisë, ku cilësohen zona shqiptare në Greqi: Çamëria, Konica, Kosturi, Follorina; ndërsa ka referenca për Konferencën e Ambasadorëve në Londër, në vitin 1913, e cila “bëri shpërndarjen e trojeve shqiptare në shtetet fqinj. /E.K