Policia e kryeqytetit ndaloi dje dy të dyshuar për të paktën 10 vjedhje me dhunë të çantave të grave. Komisariati nr. 3 njoftoi se arrestoi adoleshentët Fatlum Kraja, 19 vjeç, nga Alliasi, i dënuar më parë për armëmbajtje pa leje dhe Ardit M., 17 vjeç. Në afërsi të Stacionit të Trenit po qarkullonin me një arme zjarri të markës “Zastava”, mbrëmjen e së mërkurës, kurse nga verifikimi i kryer dhe gjurmët rezultoi se Fatlum Kraja, rezulton të jetë autor i dyshuar i grabitjeve të grave këmbësore, në muajt mars, prill, maj, qershor, gusht, shtator dhe tetor.