Një i ri është plagosur mbrëmë në afërsi të Qytetit Studenti. Ngjarja ka ndodhur pak para mesnatës te zona e njohur si kompleksi “Grand”. Mësohet se Ervin Gjini, nga Laçi, është konfliktuar me një person, dyshohet për radhën e kalimit në rrugë me makinë, ose ndonjë gërvishtje, pasi të dy drejtonin mjetet e tyre. personi tjetër, i cili mbetet ende i paidentifikuar ka nxjerrë pistoletën dhe ka qëlluar në drejtim të Gjinit, duke e lënë të plagosur. Ai është dërguar në Spitalin Ushtarak, ndërsa policia po punon për identifikimin e autorit të plagosjes.