Në Britaninë e Madhe vazhdojnë të rriten përmasat e skandalit të mishit të kalit, i gjetur kohët e fundit në hamburgera dhe lazanjat e ngrira. Autoritetet britanike të sigurisë ushqimore, FSA, kanë urdhëruar kontrolle në të gjitha produktet e kompanive vendase, që shiten me mbishkrimin “ mish lope”.
Ndërkohë, “Findus” ka pranuar fajësinë për lazanjat e saj, të cilat u zbulua se kishin në përmbajtje 100 për qind mish kali. Për britanikët, konsumimi i mishit të kalit është tabu, pasi ai mbetet kafsha më e dashur në këtë vend.