Një person i kërkuar nga policia ka rrëmbyer me forcë dhe ka tentuar të përdhunojë një studente mbrëmjen e djeshme në kryeqytet. Mësohet se Anxhelo Lekgjonaj, 23 vjeç, nga Lezha, ka marrë me forcë një studente 23-vjeçare, duke e dërguar me taksi në një motel në Sauk. Pikërisht në këtë moment, policia ka marrë një telefonatë, nëpërmjet të cilës denoncohej ngjarja. Unifromat blu kanë ndërhyrë menjëherë, duke parandaluar përdhunimin e 23-vjeçares. Mësohet se Lekgjonaj ishte në kërkim për vjedhje.