Një aksident ka ndodhur pak minuta më parë në kryeqytet, në zonën e Laprakës. Mësohet se një kalimtar është përplasur nga një automjet, i cili i ka shkaktuar plagë të rënda. Ngjarja ndodhi në vendin e njohur si Kupola, ku makina e tipit Ford, me targa TR 02 44 B, përplasi këmbësorin, identiteti i të cilit nuk është bërë ende i ditur. Burime nga vendngjarja bëjnë të ditur se gjendja e të plagosurit është e rëndë.