Reshjet e shumta të shiut të tre ditëve më parë kanë rikthyer lumenjtë në rrugët e Tiranës. Shumë nga zonat e kryeqytetit për gati 2 orë kanë qenë nën pushtetin e ujit.
Një stuhi e fortë me rrufe dhe gjëmime, të cilat u shoqëruan me një breshër dhe më pas me reshje të dendura shiu thuajse përmbytën kryeqytetin. Në rrjetet sociale gjen me dhjetëra foto nga përmbytja e asaj nate, por edhe ironi drejtuar kryebashkiakut Lulzim Basha.
Edhe njerëz afër PD, nuk kanë rezistuar të ironizojnë kryetarin e tyre. Për bashkëshorten e kreut të FRPD dhe deputetit Gert Bogdani, varka është zgjidhja në këtë situatë.
Siç e shihni në foto, ajo ka shkruar tek një prej miqve të saj në FB, ai është i shqetësuar për përmbytjen pasi për të shkuar në shtëpi as makina nuk ishte zgjidhje.
Përgjigja e Edlira Çepanit, bashkëshortes së Bogdanit, tregon në fakt dhe realitetin që po ndodhte në kryeqytet. Për të zgjidhja ishte varka.
Kreu i Bashkisë së Tiranës, Lulzim Basha ato ditë ishte në Bruksel për agjendën e tij politike, ndërkohë përmbytjeve në Tiranë u ka dalë për zot Enno Bozdo.