Një 55-vjeçare ka humbur jetën pasi u përplas nga një automjet orët e vona të mbrëmjes së premte. Aksidenti ndodhi në aksin rrugor Lezhë-Laç, në afërsi të kryqëzimit të Shën Kollit. Viktimë e aksidentit ka mbetur Lena Dushku, e cila ka gjetur vdekjen nga plagët e marra në Spitalin Ushtarak të Tiranës, rreth 2 orë pas ngjarjes. Dushku u përplas nga një automjet “Benz 190”, me targa TR9718J, me drejtues Din Mujaj, me banim në Kamëz. Policia ka shoqëruar drejtuesin e mjetit. Dyshohet se shkak për ngjarjen është bërë ndërprerja e rrugës nga këmbësorja.