Sipas New York Post, Scarlett Johansson është martuar me të fejuarin e saj francez, Romain Dauriac, në një ceremoni të fshehtë që mendohet se është zhvilluar menjëherë pas lindjes së vajzës së tyre, Rose. Një burim rrëfen për të përditshmen se, “Scarlett dhe Romain janë martuar në një ceremoni shumë intime pas lindjes së vajzës së tyre. Ata e kanë mbajtur martesën sekrete sepse të dy janë të fiksuar pas privatësisë”. Gjithmonë sipas këtij burimi martesa është zhvilluar në SHBA, nuk është e qartë se ku, por mendohet se është zhvilluar në Kolorado, shumë larg reflektorëve të Hollywood-it apo Nju Jorkut, ku aktorja jeton.