Rreth 17 mijë persona janë evakuuar nga një zonë e banuar në qytetin gjerman të Dortmundit për shkak të zbulimit të një bombe të Luftës së Dytë Botërore të pashpërthyer.
Autoritetet lokale mendojnë se ky lloj eksplozivi, që mendohet se është hedhur nga Mbretëria e Bashkuar, është disa herë më i fuqishëm se eksplozivët tradicionalë.
Ky lloj zbulimi nuk është i pazakontë në Gjermani. Vlerësohet se në territorin e vendit mund të ketë më shumë se 250 mijë bomba pa shpërthyer.