Mango, çastet e fundit në skenë: Më falni, s’ndihem mirë! (VIDEO)

Këngëtari italian Mango, vdiq në moshën 60 vjeçare për shkak të një ataku kardiak.

Këngëtari i njohur italian, shumë i dashur edhe për shqiptarët ishte duke kënduar në skenë këngën Gold.

Mango nuk është ndjerë mirë dhe menjëherë në skenë është shfaqur personeli i sigurisë, por pavarësisht ndihmës së menjëhershme, këngëtari ka ndërruar jetë rrugës për në spital.

Kjo është video e fundit e Mangos duke kënduar.  “Më falni, nuk ndihem mirë” ishin fjalët e fundit të këngëtarit përpara mikrofonit,  gjatë kohës që ishte duke kënduar.

Publiku ka duartrokitur fillimisht në shenjë mbështetjeje,  pasi nuk e ka kuptuar se sa keq ishte këngëtari.

Disa nga hitet e tij më të njohura janë, “Come Monna Lisa”, “Lei verrà” apo  “La rondine”.

Vdekja e Giuseppe Mango ka lënë në zi jo vetëm fansat e tij, por gjithë muzikën italiane. Humbja e tij është cilësuar si tragjike nga mediat italiane.