Shkalla e punësimit për 3 mujorin e dytë të 2014 –ës, për grupmoshën nga 15 vjeç e lart ka shënuar rritje të lehtë krahasuar me të njëjtën periudhë të njëjtën periudhë të një viti më parë, përkatësisht në 44.4 % nga 44.1%. Por referuar shifrave zyrtare të INSTAT tremujori i parë i këtij viti, konkretisht periudha janar-mars ka nisur me rënie krahasuar më tremujorin e parë të vitit 2013, konkretisht me 41. 5 % nga 47 %. Ndërsa krahasuar me vitin 2012, shifrat e punësimit për grupmoshën nga 15 vjeç e lart rezultojnë më të ulta. Megjithatë shifrat e INSTAT janë të publikuara deri në qershor të vitit 2014, kështu që mbetet për tu parë se si do të mbyllet ky vit në raport me atë që lamë pas.