Ministria e Drejtësisë, Këshilli i Lartë i Drejtësisë dhe Avokati i Popullit kanë nënshkruar sot Memorandumin e Bashkëpunimit “Për referimin e rasteve dhe masave administrative ndaj funksionarëve të drejtësisë, kur konstatohen shkelje të ligjit”. Memorandumi u nënshkrua nga kreu i institucionit të Avokatit të Popullit, Igli Totozani, ministri i Drejtësisë, Eduard Halimi dhe nënkryetari i KLD-së, Elvis Cefa.
Nëpërmjet marrëveshjes trepalëshe synohet konsolidimi i bashkëpunimit për referimin e rasteve dhe masave administrative ndaj funksionarëve të drejtësisë, sipas kompetencës së secilës palë, kur konstatohen shkelje të ligjit.