Drejtori i Përgjithshëm i Policisë së Shtetit, Artan Didi, ka zhvilluar një vizitë pune në Maqedoni, ku është takuar edhe me drejtorin e Policisë së Maqedonisë në Ohër, Mitko Çavkov, me qëllim garantimin e sigurisë në rajon. Vizita e Didit me homologun e tij maqedonas, zhvillohet në kuadrin e takimit të të dy muajve më parë, të zhvilluar mes tyre në Tiranë. Didi ka falënderuar homologun për mirëpritjen dhe caktoi prioritetet për të ardhmen për garantimin e sigurisë në rajon, lëvizja e qytetarëve, apo shkëmbimi në kohë reale i informacioneve dhe lufta kundër trafiqeve.