Klan-i dhe Mimi sipas Erjon Braçes

Prej disa ditësh televizion “Klan” ka nisur një fushatë sulmesh ndaj ministres së Mbrojtjes, Mimi Kodheli.

Në kronikat e “Klan” flitet për disa prokurime që janë bërë në mënyrë të drejtpërdrejtë dhe sipas tyre janë shkelur procedurat.

Në krah të ministres ka dalë deputeti Erjon Braçe, i cili ka bërë një status të gjatë në Facebook për pronarin e Klanit:

“Nuk duan sqarime Mim, nuk duan sqarime!! Duan para!! Lekë duan!! Janë ata që e molën dhe e volën ministrinë e Mbrojtjes në 8 vjet derisa lekët u bënë aq shumë sa më mirë numëroheshin si miliona dollarë!! Këto para ju mungojnë!!

I duan, nuk rrinë dot pa to!! Është Klani Bandë që veç me median nuk kanë lidhje!! Ndaj po të “bien” ty!!

Bashkë me këtë pjesën e moderuar të Bandës që shkruan me laps por që janë pjesa më e poshtër e Bandës.

Janë këta që bëjnë sikur janë pa anë, pra nuk janë si Klani që i përfshin, por thonë qartë se shkel ligjin kur prokuron drejtpërdrejt dhe ti nuk mund ta bësh këtë se ti ke akuzuar Imamin e tyre që e bëri këtë me Klanin!!

Nuk janë idiotë! Janë të poshtër!” shkruan Braçe.

Qenkan të thella punët. Gjoba gjitha andej, mirë kur je në pushtet, por dhe në opozitë?!