- Virusi “B1 dhe B2”
Moj PD, Zotin lus
Të mos dalësh në ankand,
Se luftë bën çdo virus
Dhe pse janë e njëjta bandë!
Infektues si Ebola,
Mjerë kush i ka për risk,
Por nuk zbresin nga kupola
Pa Gertrud e ndonjë miskë!!!
Po ju pyes ju lexues,
Ç’emër kanë këta virus?!
- Toidhjo si Enveri
Pas grushtit “trim” struket,
E ka gjuhën brisk berberi,
Çehre akullt, po krejt duket
Toidhjo si Enveri!!!
A e gjeni dot
Cili është ky robot?!!
- Doktorit
Askush s’mund ta tall!
Humanisti qe “yrnek”!
Po sa qenë bllokmenët gjallë,
Thonë, lagej dhe në brek!!!
Ju lutem, keq mos gjykoni,
Me zë lart emrin ia thoni!!!
- Idioti
Po harbonte një idiot,
I ngjizur veç për sherr…,
Që parajsën të kullotë,
Por Zoti e zbriti në ferr!!!
Se kush është derdimeni,
Shihni TV-të e do ta gjeni!!!
Nga Koli J. Dano