Shtyhet deri më 31 janar 2015 afati i vetëdeklarimit të ndërtimeve pa leje

Afati i vetëdeklarimit të ndërtimeve pa leje është shtyrë deri më 31 janar 2015.

Kjo është bërë e ditur nga kreu i ALUIZNI-it, Artan Lame, gjatë një konference për shtyp.

“Afati i vetëdeklarimeve të ndërtimeve pa leje shtyhet nga 31 dhjetori 2014, në 31 janar 2015

E bëjmë këtë shtyrje për disa arsye:

1-Për t’i dhënë mundësi sa më shumë qytetarëve që të përfshihen në procesin e legalizimeve.

2-Ditët e fundit u kthyen në atdhe mijëra emigrantë. Një pjesë e tyre kanë probleme me legalizimin dhe përmes shtyrjes së afatit u japim mundësi që qetësisht të bëhen pjesë e këtij procesi

3-Për të ulur presionet mbi sportelet tona, qët ë krijojmë një shërbim cilësor

4-Më mirë qytetarët t’i kalojnë këto ditë duke u përgatitur për festa sesa në radhë”, ka thënë ai.

Lame u shpreh se më pas nuk mund të ketë më justifikime.

Ai tha gjithashtu se jo çdo ndërtim do të legalizohet.