Policia e kryeqytetit bëri ndalimin e juristit të Zyrës Vendore të Regjistrimit të Pasurive të Paluajtshme në Tiranë, pas denoncimit të një qytetari se i kishte përvetësuar pronën në mënyrë të paligjshme. Viktor Shtylla, 56 vjeç, banues në Tiranë, me profesionin jurist në ZVRPP, rezulton se është denoncuar nga qytetari me inicialet G.R., i cili dëshmon me dokumente se zyrtari ka lëshuar certifikatën e pronësisë për një pasuri në Tiranë, pavarësisht se ishte dhënë një vendim gjykate i vitit 2006, që regjistrimin fillestar të kësaj prone e bënte të pavlefshëm.