Sulmuesi i PSG, Zlatan Ibrahimovic, i ka hedhur poshtë të gjitha spekulimet që e lidhin atë me një transferim te Roma. ”Nuk do rikthehem në Seria A. Dikush ka folur në lidhje me të, dikush tjetër e ka konfirmuar transferimin tim te Roma, por nuk ka asnjë të vërtetë. Unë ndihem mirë në Paris dhe kam edhe një vit në kontratë. Pastaj, ne do të shohim se çfarë ndodh. Por po e përsëris: Unë jam i lumtur në Paris. Dikush tjetër ka shpikur këtë histori”, u shpreh Ibrahimovic.