Yjet e muzikës dhe filmit në Britani të Madhe pritet që ta ndihmojnë ekonominë britanike me 80 miliardë paund gjatë vitit 2015.
Raporti zyrtar i Qeverisë britanike, përmend albumet e Ritës, Ellie Goulding e Emeli Sande në “listën e pritshmërive të mëdha të vitit 2015”, raporton Koha.net.
Edhe filmat janë pjesë e kësaj liste, me filmin “Spectre” të James Bond në krye të saj.
Kjo listë është përpiluar nga Departamenti i Kulturës, Medies dhe Sportit.
Kjo Ministri thotë se industritë kreative kanë kontribuar me 146,000 paund në minutë në ekonominë britanike në vitin 2013, duke siguruar 1.7 milionë vende pune.
Albumi i Ritës, që pritet të dalë gjatë këtij viti, do të ketë këngë nga producentë të njohur si Diplo e DJ Mustard, e gjithashtu edhe bashkëpunim me Prince.