Pas vendimit të dhënë sot nga Gjykata Kushtetuese, Shoqata e Bashkive të Shqipërisë e cilëson të drejtë këtë vendin, ndërsa i bën thirrje qeverisë që të bëjë gati aktet nënligjore.
“Ndonëse Gjykata Kushtetuese hodhi poshtë vendimin për pezullimin e lejeve zhvillimore ato mbeten të bllokuara. Kjo sepse ndonëse ligji i ri për urbanistikën ka hyrë në fuqi që nga 1 tetor 2014, qeveria vazhdon të mos plotësojë aktet nënligjore duke pamundësuar në këtë mënyrë zbatimin e ligjit. Shoqata e Bashkive të Shqipërisë i bën thirrje kryeministrit të përmbushë detyrimet ligjore dhe kushtetuese dhe të ndalë praktikat antiligjore dhe antikushtetuese të shkeljes dhe dhunimit të autonomisë vendore”, thuhet më tej në deklaratë.