Milani nuk ndalet … nga zhgënjimet dhe forma e dobët këtë sezon, pasi ka pësuar humbjen e pestë.
Kuqezinjtë humbën me rezultat 1-0 nga skuadra e Atalantas në “San Siro”.
Pjesa e parë ishte mjaft e hapur, me një Atalantë që sulmonte me kundërsulme. Dhe, në minutën e 33’ të takimit, Germain Denis shënon për të kaluar skuadrën e tij në epërsi.
Deri në fund të takimit, Milani ishte i pafuqishëm të bëjë diçka më shumë, duke pësuar një humbje tjetër dhe duke vërtetuar krizën në këtë sezon.
Pas 19 ndeshjeve të luajtura në këtë sezon të Serie A, djemtë e Inzaghit janë në vendin e nëntë me vetëm 26 pikë, duke qëndruar kështu shumë larg vendit të tretë të tabelës që mbahet nga Napoli me 33 pikë.