Në një takim mbi zhvillimin dhe integrimin e Bujqësisë dhe Tregtisë, në Elbasan, Ministri i Zhvillimit Ekonomik, Tregtisë dhe Sipërmarrjes, Arben Ahmetaj ka deklaruar se strategjia për zhvillimin e këtyre dy sektorëve jetikë është në përfundim. “ Model i ri ekonomik që po vendosim është rritja e prodhimit vendas dhe i eksporteve. Gjetëm klimë biznesi të ashpër, kemi ndryshuar edhe qasjen ndaj industrisë”, deklaroi Ahmetaj. Për sa i përket naftës dhe protestave sot në vend, Ahmetaj deklaroi se çmimi është ulur me 20% dhe se po kujdesemi për cilësinë e saj. “Nafta u ul nga 198 në 158 lekë /litër, kjo ndihmon qytetarin. Gjithashtu po kujdesemi edhe për cilësinë e tij”, tha Ahmetaj. Në fund të fjalës së tij, duke theksuar se viti 2015 do të jetë viti i ndryshimit dhe se në vitin 2016 priten ndryshime në ligj, ai deklaroi se sikurse ndihmesës së dhënë fasonëve, do të ndërhyhet edhe me paketa lehtësuese në turizëm.