Presidenti amerikan Barack Obama, si të gjithë njerëzit ka cilësi dhe hobi. Edhe pse nuk e dimë nëse kënga është një prej tyre, tashmë e dimë që nuk duket aspak keq duke kënduar. Një video ku janë montuar fjalët e presidentit në disa shfaqje publike të tij e që formojnë tekstin e këngës së Bruno Mars “Uptown Funk” po çmend uebin dhe e ka shndërruar Obaman në shënjestrën e komenteve, shakave dhe kritikave. Ky version është krijuar nga Mark Ronson dhe është shpërndarë në YouTube nga kanali Barackdubs, të cilët kanë njoftuar në faqen e tyre se Obama do të vijë sërish me suksese të tjera muzikore.