Berisha: Shqipëria, vendi i parë me internet falas

“Shqipëria bëhet vendi i parë me internet falas në tërë territorin e saj”, shkruan kryeministri Berisha në një postim në Facebook. Kreu i qeverisë thotë se çdo qytetar mund të përfitojë internet falas, pas ndërtimit të autostradës dixhitale Tiranë-Prishtinë.

“Të dashur miq, sot inauguruam projektin e Postës Shqiptare të dhënies së internetit falas në 1250 zyra publike. Me këtë projekt Shqipëria bëhet vendi i parë që ofron internet GRATIS në tërë vendin. Kjo do bëjë të mundur që çdo qytetar të përfitojë nga interneti dhe shërbimet dixhitale falas. Projekti u bë realitet vetëm pas ndërtimit të autostradës dixhitale Tiranë-Prishtinë. Sot fluksi i internetit që importohet është rritur, krahasuar me vitin 2005 mbi 1300 herë, ose është rritur nga 34 Mega bit për Sekondë (Mbps) ne 44 Giga bit për sekondë (Gbps) dhe kapacitetet aktuale të autostradës janë për 130 Gbps. Internet me bandë super të gjerë për çdo familje është qëllimi ynë! Sb”, shkruan Berisha.