Kryetari i Bashkisë së Vlorës, Shpëtim Gjika, do të qëndrojë edhe 72 orë të tjera në reanimacion. Këtë e bën të ditur Mjeku Kardiolog i një prej spitaleve private në Tiranë, Bekim Jata, i cili deklaron se gjendja e tij është e stabilizuar, por ndodhet në terapi intensive.
Mjeku thotë se në orët në vijim do të vendoset nëse do të jetë e nevojshme kryerja e një koronarografie. Sipas mjekëve nuk është e këshillueshme që Gjika të lërë spitalin në këto kushte.
“Pacienti, ka pasur të njëjtat shqetësime gjatë natës si dhe paradite, kur është dërguar pranë qendrës sonë. Gjendja e tij është stabël. Parametrat e tjera duken brenda normës dhe nga analizat kemi ndryshime kryesisht të enzimave kardiake. Pas 24 orëve do të përcaktohet për intervenimin e tij, ndoshta deri tek koronarografia. Minimumi, 72 orë ai do të survejohet dhe më pas do të vendoset për kryerjen e koronarografisë. Ka disa faktorë që duhen pasur parasysh tek sëmundjet ishemike, e ëma e tij ka vdekur në moshën 53-vjeçare. Ai duhet ndjekur në reanimacion. Me terapinë intensive, gjendja e tij për momentin është e qetësuar. Kriza mund t’i jetë shkaktuar nga stresi i shtuar”, thotë mjeku.
Kryetari i Bashkisë së Vlorës, u transportua paraditen e sotme nga Spitali Rajonal i Vlorës fillimisht drejt Spitalit të Burgut të Tiranës dhe më pas ai është transferuar në një spital privat për një trajtim më të specializuar.
Pas 72 oreve na rraportoni qe Shpetimi u kthye ne biruc…e psaka kapur tensioni sa i kan vendos hekurat hajdutit….ne qeli maskarajn se vetem keshtu disiplinohet ky milet, eshte mesuar mustaqe miu duke flet ne dyshek me € ta provoj erresiren dhe temperaturen minus.