Sot në mbrëmje rikthehet spektakli i UEFA Europa League me ndeshjet e para të fazës së 1/16 ku përplasjet e mëdha janë në numër të konsiderueshëm.
Kur shorti në dhjetor vuri përballë Celtic dhe Inter të gjithë kujtuan finalen e Ligës së Kampioneve të vitit të largët 1967 fituar nga skocezët ndaj zikaltërve.
Këtë herë kushtet në të cilat zhvillohet kjo sfide janë të ndryshme pasi skuadrat nuk kanë shkëlqimin e atij viti, por gjithsesi e kanë si objektiv parësor arritjen në finale e Europa League.
Celtik vjen pas një sërë fitoresh në kampionat, por ka dy mungesa me peshë si Lustig dhe Komons. Ndërsa Inter me gjithë dy fitoret radhazi në seria A nuk është më një skuadër që tremb në Europë.
Gjithsesi zikaltrit e kanë Europa League në qendër të objektivave sezonal pasi përveçse një trofe prestigjioz mund ti lejojnë skuadrës kualifikimin për në Champion League si fituese e këtij kompeticioni.