Një aktivist i Aleancës Kuq e Zi u shoqërua sot në polici, pasi gjatë protestës para Ministrisë së Punës kundër ministrit Spiro Ksera, vendosi tre flamuj me simbolin nazist para këtij dikasteri.
Protesta u mbajt sot paradite dhe aktivistët kuqezinj hodhën parulla kundër ministrit Ksera, duke kërkuar arrestimin e tij, me pretendimin se ai punon për partinë ekstremiste greke, Agimi i Artë.
Kësaj proteste i ka paraprirë para disa ditësh edhe dorëzimi në prokurori nga ana e AK e një kallzimi penal për ministrin e Punëve dhe Cështjeve Sociale, Spiro Ksera. Sipas AK, ministri ka shpërdoruar detyrën pasi ka financuar individë për të destabilizuar jugun e vendit.
