Çështja “Doshi”, kanë dëshmuar 17 persona, priten edhe 9 të tjerë

Çështja “Doshi” ka të përmendur deri në këto momente në deklaratat e deputetit, në video apo fjalimet në Kuvend, 26 persona. Deri tani kanë dëshmuar 17 persona në cilësinë e atyre që kanë dijeni, përfshirë edhe deputetin Doshi dhe të arrestuarin si atentator, Durim Bami.

Mes personaliteteve politike që kanë dëshmuar janë kryeministri Edi Rama, kryeparlamentari Ilir Meta, ish-kryeministri Sali Berisha, ministri i Brendshëm, Saimir Tahiri, deputetët Mark Frroku, Mëhill Fufi dhe Monika Kryemadhi.

Gjithashtu dëshmuan ish-deputeti Dritan Prifti, personat e fotografive Agim Rama, Ymer Lala, nëndrejtori i Policisë së Shtetit, Haki Çako.

Ndër emrat e tjerë për dëshmi janë thirrur edhe dy shoferët e deputetëve Frroku e Doshi, 2 nipat e deputetit Doshi.

Ndërsa për të dhënë dëshmi priten edhe 9 persona të tjerë. Mes tyre kryeprokurori Adriatik Llalla, që ka qenë në dijeni të pretendimeve të Doshit, prokurori Eugen Beçi, i akuzuar si pjesë e komplotit, ish-nëndrejtori i Policisë, Agron Kuliçaj, kryepolici Artan Didi, vartësi i tij Ardian Çipa dhe deputeti Edi Paloka.

Ndërsa sot paraqitet personi kyç i videos, Fatjon Skënderi dhe priten vëllai i tij Rezart Skënderi dhe miku i tij Ylli Xhaxhollari. Por nëse në vijim do të përmenden edhe emra të tjerë nga personazhet, prokuroria pritet t’i thërrasë për dëshmi, sipas procedurave.

Kush ka dëshmuar:

Durim Bami

Ilir Meta

Edi Rama

Sali Berisha

Tom Doshi

Mark Frroku

Monika Kryemadhi

Sajmir Tahiri

Agim Rama

Ymer Lala

Dritan Prifti

Mëhill Fufi

Haki Çako

Shoferët e Doshit dhe Frrokut

Dy nipat e Tom Doshit

Kush pritet të dëshmojë:

Adriatik Llalla

Eugen Beçi

Fatjon Skënderi

Ylli Xhaxhollari

Agron Kuliçi

Artan Didi

Ardian Çipa

Edi Paloka

Rezart Skënderi