VARGJE: Protestë “pse nuk u vranë dy deputetët?!”

Arben Duka
Politika ecën,
nga rengu në reng,
njëzet e ca vite,
vendin po mban peng!

Dhe tani që Rama,
kërkon të bëjë shtet,
një shkak për rrëmujë,
u gjet që u gjet!

Tema është e njëjtë,
dhe disa ditore,
se është në fakt,
tema kryesore!

Dikush rrugën tonë,
po e shtron me gjëmba,
se akuzat janë,
më shumë se të rënda!

Më shumë se të rënda,
një super skandal,
duket se PD-ja,
po shton kapital!

Kështu mendon Luli,
po nuk e ka mirë,
se dhe vetë në “vrasjet”,
është i përfshirë!

Është i përfshirë,
s’rrëshqet dot si ngjala,
se planin e dinin,
Palokja dhe Sala!

S’dihet qysh e si,
ata e mësuan,
as Fufit të tyre,
për turp – si treguan!

As Fufit s’i thanë,
këta të pabesë,
sepse prisnin vrasjet,
me durim e shpresë!

Sala me Lulashin,
duket njerëzit mblodhi,
se vrasja që prisnin,
për çudi nuk ndodhi?!

Përse proteston,
sot Sali Katrani,
them nga dëshpërimi,
që s’u bitis plani!

Komplot nuk ka pasur,
është e garantuar,
po ka qenë një plan,
shumë i djallëzuar!

Plani djallëzor,
sot është i kuptueshëm,
t’i shkojë në vesh Tomës,
të jetë i besueshëm!

Kundër Metës – pakt,
palët kanë menduar,
dhe u gjet në fakt,
një cub i penduar!

Mbas pas ca kohësh,
të gjithë do ta dimë,
Toma me kujdes,
është zgjedhur viktimë!

Duam – apo s’duam,
dihet midis nesh,
Toma – në PS,
ishte me shumë peshë!

Ndaj u gjet mënyra,
për t’ia thënë direkt,
se akuzë e tij,
do kish shumë efekt!

Ata që bënë planin,
e kishin menduar,
se Toma do fliste,
pa u përjashtuar!

Kjo lë pa dyshim,
shteg për të dyshuar,
përse për publikun,
qe kaq i vonuar?!

Që ditën që cubi,
ju shfaq sy më sy,
duhet ta kish çuar,
drejt e në qeli!

Nuk kish pse t’i rrinte,
ditë e natë nga pas,
dhe kaq gjatë ta mbante,
ndën mëngë si as!

Toma për skenarin,
nuk është autori,
po gjendet kollaj,
kush është profesori!

Gjendet krejt kollaj,
duke u hetuar,
ai që tek Toma,
cubin ka dërguar!

Dhe duke gjurmuar,
gjurmët e çdo trimi,
shumë shpejt mund të vemi,
drejt e tek burimi!

Sot është i braktisur,
ai që qe killer,
personazh i vetëm,
në gjithë këtë triller!

Nëse dhe hetimi,
më shumë dot s’lëviz,
atij do t’i mbetet,
çdo gjë në kurriz!

Hetimi do qe,
për të gjithë pauzë,
po PD-ja vrasjet,
i bëri kauzë!

Për të me të drejtë,
po dyshoj sot unë,
cili është shkaku,
që nxiton kaq shumë!

Pa u zbardhur “vrasjet”,
në Prokurori,
pse kokën e Metës,
e do në tepsi?!

Shumëkush sot po luan,
rolin e idiotit,
po ky është në fakt,
qëllimi i komplotit!

Ndaj bëhet protesta,
dhe rrëmujë e saj,
të dorëhiqet Meta,
ka – apo s’ka faj!

Ata thonë të iki,
të iki dhe pikë,
dhe me ta s’flet dot,
se nuk hanë logjikë!

Strategji e zezë,
lehtësisht kuptohet,
po nuk iku Meta,
vendi do bllokohet!