Vargje të nënshkruara,
Abas Shulleri
Tom Doshi dhe Ben Blushi,
Që të dy burra të vyer.
S’dihet kush mendjen u mbushi,
Edi Ramën për ta shqyer.
Si mëzatë të pamësuar,
Që në brazdë s’ecin drejt,
Mbi Ramën janë lëshuar,
Pse i bëri deputetë?
Ndoshta ndonjë mizë kali,
Bëri të kruhen për muri.
Dot njeri hapin s’ua ndali,
U qe këputur ushkuri.
Çehre mir’ e kuletë fryrë,
Të dy deputetë me emër…
Kush në mendje u pat pështyrë,
Ishte mashkull, apo femër?
Syri’ lig ngordhi Balashin,
Kalin me fre e me shalë.
Dhe Zybos i ngordhi dashin,
Mu tek vatha më të dalë.
Yshtuni, u marrtë e mbara,
Se mish do kini këputur.
Mos u dilni më përpara,
Atyre që ua kanë futur.
Tërë natën unë të rraha,
Më tha miku im Dervish.
As të ngava as të shava,
Pse s’më vrave? Ëndërr ish!