Doshi kërkon anulimin e kërkesës për arrestimin e tij

Deputeti Tom Doshi i  ka kërkuar prokurorit të Përgjithshëm të tërhiqet nga kërkesa për arrestimin e tij.

Në shkresën e tij zyrtare, avokati Vladimir Meçe, i cili do të mbrojë ligjërisht Doshin në këtë çështje, vetëm pasi është pajisur me një prokurorë ligjore,  i është drejtuar Prokurorisë së Përgjithshme, duke e bazuar kërkesën e tij në pasaktësitë proceduriale.

Sipas tij, kërkesa e Prokurorisë nuk është bazuar në procedurë.

“Ai është person që i ka shërbyer hetimit të nisur kryesisht nga Prokuroria dhe është treguar i gatshëm të paraqitet përpara organit të akuzës sa herë është parë e nevojshme. Në asnje rast deputeti Doshi nuk i është shmangur hetimit, thuhet në kërkesën e avokatit.

Dosja Doshi prej dy ditësh është në duart e prokurorit të Përgjithshëm.

Ndërsa deputeti tjetër Mark Frroku në një deklaratë të shpërndarë për mediat, i quan politike akuzat e ngritura, ndërsa kundërshton kërkesën e prokurorisë për të ushtruar kontroll të banesës.