Vargje për Arben Dukën

Dërguar me sms

në numrin e redaksisë

Përshëndetje z.Adrian! Jam një lexuese e rregullt e gazetës tuaj. Më pëlqejnë rubrikat e gazetës “Dita”, sidomos penat e forta të saj, ndër të cilët edhe z.Arben Duka, me vargjet e tij brilante dhe të tematikave të ndryshme e sidomos asaj aktuale. Ju lutem, nëse e shihni të arsyeshme, botojini vargjet më poshtë.

Arben Duka, Arben Duka,

ty hallall të qoftë buka,

muza jote kurrë s’shteron,

rrjedh si lumi që s’pushon.

Je i madh e i paparë,

vargjet tuaja lapidar,

që e do shumë të vërtetën,

bile baraz dhe me jetën.

Ti je mjalti i gazetës

Ti je shenjti i së drejtës,

prandaj shumë ty të lexojnë,

e nga zemra të urojnë.

Për gjithë vargjet lapidare

Rrofsh sa malet shqiptare!

P.S. Këto vargje që i shkrova,

mos kujto se ta kalova,

vargjet tuaja pa mbarim,

më shërbyen si frymëzim.

Me respekt, Sh. Maliqati, Durrës.