Grida Duma: Durrsakët mezi po presin zgjedhjet, që të përzënë Dakon

Grida Duma thotë se këto ditë në Durrës, ka konstatuar se durrsakët mezi po presin zgjedhjet, që të përzënë Vangjush Dako.

Ai ka reaguar pas përmendjes së emrit një ditë më parë, si një nga kandidaturat problematike të PD-së me ligjin.

“Kryeministri nxori një ‘sharës me pagesë’ dhe publikoi një listë me akademikë që garojnë nën siglën e Partisë Demokratike.

Nga një mazhorancë që e ka ngritur krimin në Akademi mund ta presësh këtë.

Lista, ku bënte pjesë edhe emri im, është një sajesë e trashë që buron nga paniku i humbjes së afërme.

E shoh si kamerdare të shpuar turpi, që i hidhet që nga Tirana të Turpëruarit të Vogël këtu në Durrës. Nuk e shpëton dot nga fundosja.

Kam kuptuar një gjë këto ditë me qytetarët e Durrësit e rrethinave: Durrsakët i kanë pritur me padurim këto zgjedhje për të larguar Vangjush Dakon.

Akuzat që lexohen në Tiranë janë tregues se atje e kuptojnë se ç’i pret në Durrës. Për këtë alarmohen dhe shpifin.

Të hidhen përpjetë sa të duan: I pret një disfatë e thellë dhe e sigurt”, tha Duma në një deklaratë për shtyp.