Vargje të nënshkruara,
Aleks Abazi
Mbushet salla në Kuvend
Me firmato kok’ e këmbë
Lyer, ngjyer gjithë sqimë
Manekina për vitrinë.
Në tribun’ i pari flet
Në sallë isoja buçet
Kur për popull veç lotojnë
Vetes çeqe i dhurojnë.
Për popullin heqin e vuajnë
Për vete ca tapi shkruajnë
Për “dynjanë” trondisin sallën
Për vete e gjejnë fjalën.
Fjal’ e zhurmë që s’mbarojnë
Zemrat për popull pikojnë
N’ujë të ndotur notojnë
Ujqit mjegullën kërkojnë.