“Doshi”, avokatët njihen me provat: Konfirmohet bindja jonë

Avokati i Tom Doshit, pas paraqitjes së radhës në Prokurorinë e Përgjithshme lidhur me çështjen nga ngarkim të klientit të tij, ka rikonfirmuar qëndrimin se akuzat ndaj deputetit nuk qëndrojnë.

Pas një takimi me kërkesë të vetë palës mbrojtëse, për t’u njohur me provat e çështjes, avokati Ferid Muça ka deklaruar se tashmë nuk ka më asnjë dyshim.

“Këto prova e tregojnë qartë këtë bindje tonën, që e kemi shprehur që në fillim, por sot jemi më të bindur pasi jemi njohur me provat që na vuri në dispozicion organi i prokurorisë. Ne e kemi bërë përsëri këtë kërkesë do të insistojmë deri në fund të merret kjo provë, pasi ka rëndësi se persona të ndyshëm që do të dalin nga këto pamje filmike kanë ndërhyrë në proces për të manipuluar provat”, ka thënë Muça.

Takimi në fjalë, i bërë me kërkesë të avokatëve, ka zgjatur plot 6 orë në organin qendror të akuzës.