Kosovë, Isa Mustafa rizgjidhet kreu i LDK-së

Isa Mustafa u zgjodh kreu i LDK-së, duke e rimarrë mandatin për herë të dytë. Mustafa mori vetëm dy vota kundër nga delegatët e pranishëm.

Më herët delegatët e Lidhjes Demokratike të Kosovës kanë hodhën poshtë kandidaturën e Vjosa Osmanit për kryetare të partisë, duke i dhënë vetëm 62 vota pro, ndërkohë që nevojiteshin të paktën gjysma e 350 delegatëve, duke bërë të pashmangshëm zgjedhjen e Isa Mustafës si kryetar të partisë edhe për një mandate të ri.

Menjëherë pas këtij vendimi, në prononcimin e saj për mediat, Osmani ka deklaruar se delegatët që morën pjesë në votime kanë qenë nën presion nga kryetarët e degëve për të mos miratuar kandidaturën e saj.

“Ne nuk do të ndalemi. Jam e bindur se këtyre njerëzve që kanë mbjellur diktaturën në LDK do t’ju vijë fundi shpejt”, tha Osmani për gazetarët.