Berisha: Në dy vitet e para si kryebashkiak, Basha punësoi 25 mijë njerëz

Sali Berisha thotë se Lulzlim Basha po e drejton në mënyrën më të mirë fushatën elektorale të PD-së.

Ai thotë se ai po u ofron shqiptarëve shpresë.

Sipas Berishës, kandidatët e PD-së do të hapin vende pune, ashtu siç, sipas tij, bëri Bashan ë dy vitet e para si kryebashkiak i Tiranës.

“Basha po drejton një fushatë në përputhje të plotë me problematikën e qytetarëve.

Pas 2 vjet premtimesh të padëgjuar dhe mashtrimesh, por përvec kësaj pas 2 vjet dështimesh në fushën ekonomike, pas 2 vjet ç’punësimi, pas 2 vjet prishjes së 9 mijë objekteve që punësonin qytetarë, pas 2 vjetësh kur kjo amzhorancë nuk është në gjendje ti tregojë qytetarëve një investitor serioz, pas dy vjetësh kur kjo mazhorancë ka arritur nga 62 në 73% borxhin publik dhe nuk i tregon dot qytetarëve një rrugë, apo një shkollë, nuk i tregon dot një spital apo ujësjellës.

Pra pas 2 vjetësh dështim, Lulzim Basha po bën atë që duhet të bëjë, të ngjallë shpresën dhe mos lejojë që shpresa mos vdesë tek shqiptarët. Me një paketë premtimesh tu thotë shqiptarëve se këtu ka shpresë dhe se ky vend mund të ndryshohet dhe se nga kjo situatë të dalim.

Çështja themelorë është punësimi dhe rritja e cmimeve.

Cfarë po u thotë Basha? Po u thotë votoni sepse bashkitë e fituara nga PD do jenë gjeneratorë të punësimi. Basha 2 vitet e para ka të punësuar 25 mijë të rinj me sigurime. Po u thotë se këta kryebashkiakë të ulin taskat sa u thotë ligji.

Po u thotë se në veprimtarinë e tyre këta do përqëndrohen për të zbutur varfërinë. Një fushatë kombëtare. Një lidër kombëtar do ketë edhe probleme. Për hir të së vërtetës fushatat lokale i udhëheqin kandidatët e Tiranës, sepse ka specifikë shumë të madhe”, tha Berisha për Ora News.

Ai tha ndërkohë, se Halimi Kosova është i pari kandidat për kryebashkiak, që fton një kryeministër për kafe.