Këngëtari i njohur i muzikës së lehtë shqiptare ka pësuar një aksident me makinën e tij pasditen e sotme, por fatmirësisht nuk ka pësuar dëmtime.
Makashi ishte duke udhëtuar me automjetin e tij tip ‘BMW’ me targa TR 80 90 P në drejtim të Pogradecit, dhe në afërsi të Përrenjasit, në aksin rrugor Përrenjas-Qafë Thanë automjeti që drejtohej nga këngëtari, në tentativë parakalimi është përplasur me një trajler me targa turke-raporton Shqip.
Pas përplasjes mjeti ka dalë nga rruga duke pësuar dëmtime të shumta, por fatmirësisht asnjë nga personat që udhëtoni në të nuk është lënduar nga aksidenti.