Në Karolinën e Jugut, u hoq me ceremoni Flamuri i Konfederatës, që ishte valëvitur në ndërtesën e kapitolit të këtij shteti jugor amerikan për më tepër se 50 vjet.
Qindra vetë, amerikanë të të dyja racave, ndoqën ceremonisë e uljes së flamurit, duke brohoritur “USA, USA” dhe duke valëvitur flamurin e Shteteve të Bashkuara.
Kjo ndodh tre javë pas vrasjeve me motiv racor të nëntë afrikano-amerikanëve, anëtarë të një kishe në Charleston, të Karolinës së Jugut, raporton VOA.
Ceremonia e heqjes së famurit të epokës së Luftës Civile, që shihet si një simbol i skllavërisë dhe supremacisë së bardhë dhe në anën tjetër, si simbol i trashëgimisë nga kundërshtarët, u bë pasi guvernatorja e shtetit Nikki Haley nënshkroi një ligj të mbështetur nga ligjvënësit demokratë dhe republikanë të shtetit, pas një debati të gjatë me tone emocionale.