I nderuar lexues! Panajot Kupitori (1821-1881) ishte studiues arbëresh nga ishulli Hidra i Greqisë. Kreu studimet e larta në degën e filozofisë në Universitetin e Athinës dhe mori titullin doktor në filozofi. Më 1876 u emërua mësues e pastaj drejtor gjimnazi në Athinë. Bashkë me Anastas Kulluriotin zhvilloi një veprimtari të gjerë për ruajtjen e gjallërimin e gjuhës shqipe ndër arbëreshët e Greqisë. Për këtë qëllim hapi dhe një shkollë nate në gjuhën shqipe. Panajot Kupitori mblodhi materiale gjuhësore dhe botoi disa punime për gjuhën shqipe, sidomos për të folmet shqipe të Greqisë.