Vargje të nënshkruara,
Kapo Labi
Ditë, pushimet filluan
Gjithë vapë e të vështira
Fukarenjtë nuk kanë as ujë
Pasanikët nëpër vila.
Pushoni o krokodilë
Jeni lodhë e jeni tretur
Njëzetë vjet more katilë
U sfilitët duke vjedhur.
Gjyqtarë e prokurorë
Ministra e komunarë
Doganierë e drejtorë
Deputetë e pushtetarë.
Demokratë e socialistë
LSI në vend të parë
Qofshin çamë ose ballistë
Janë plotë me kusarë.
Në këtë mjedis të pistë
Ku hienat bënë kërdinë
Populli merr bukë me listë
Agallarët mish e birrë.
Në krye të kusarisë
Janë Luli me Salinë
Të harruar nga ndëshkimi
I ligjit e drejtësisë.
Pushoni more shushunja
Që s’u frytë me lekë e gjak
Haram gjiri që u dha nëna
Vetëm plumbin kini hak.
Ju banditë e kusarë
Shisni vendin për para
Siç bëri dhe Zogu i Parë
Sot Luli detin dha.
Mos mendoni se hajdutët
Janë vetëm demokratë
Ka socialistë të thekur
Që vodhën e vjedhin prapë.
Në vjeshtë duam drejtësi
Nga Saliu të fillojë
Po e shtytë për vit të ri
Rama postin të dorëzojë.