FIFA ka publikuar renditjen e ekipeve për muajin gusht, ku Shqipëria rezulton në vendin e 22-të.
Në krahasim me renditjen e muajit të kaluar, kombëtarja kuqezi ka ngjitur 14 vende duke kaluar dhe Francën.
Ky është pozicioni më i mirë që Shqipëria ka pasur ndonjëherë.
Nga ekipet në Grupin I të eliminatorëve për Evropian 2016 vetëm Portugalia (vendin 6) pozicionohet më mirë se kuqezinjtë.
Danimarka, e cila është e dyta në renditjen në grup qëndron në vend të 25-të.
Serbia mban vendin e 66-të, kurse Armenia në vend të 88-të.
Duhet veçuar se Serbia është ekipi që ka humbur më shumë pozicione, duke zbritur 23 vende nga renditja e muajit korrik.