Jamarbër Malltezi kthehet nga pushimet në Greqi: Në Shqipëri s’ka ujë dhe drita

Pas pushimeve të bëra në Greqi familjarisht, dhëndri i ish-kryeministrit Berisha, Jamarbër Malltezi ka renditur disa nga dështimet e qeverisë sa i përket garantimit të një sezoni të denjë.

“Në kulmin e sezonit turistik shqiptarët dhe turistët po përballen me çështje bazike që mendonim të ishin kaluar prej shumë vitesh. Durrësi dhe gjithë zona turistike rreth tij po përballet me mungesa uji qysh prej shumë ditësh, ndërsa gjithë bregu i Jonit dhe mbarë vendi vuajnë ndërprerjet e stërzgjatura të energjisë elektrike që i kishim harruar prej vitesh. Në këtë sezon turistik patëm dhjetra risi aspak të këndshme: 1. Maskat plaçkisin në mes të ditës pranë Aeroportit.

2. Gjithë bregdeti është falas­djegas për drita përditë. 3. Uji konsiderohet luks ndaj vjen me orare të shkurtuara në gjithë bregdetin. 4. Radhë kilometrike për pushuesit kryesorë që na vijnë nga Kosova. 5. Asnjë impiant i ri për trajtimin e ujërave të ndotura në zonat bregdetare. 6. Bingo bën ai që gjen një plazh të vetëm publik të mirëmbajtur.

7. Kemi kulla vrojtimi por pa roje dhe rrezik i shtuar për pushuesit që mund të genjehen nga fasada. 8. Më lirë kushton një dhomë hoteli në Greqi se një çadër e dy karrige tek plazhet private që ndajnë paratë me koçot dhe oligarkët në Jon. 9. Asnjë rrugë e re në zonat turistike. 10. Udha e Kombit ka mbetur pa përfunduar për vetëm 2 km dhe qeverisë nuk i dalin 2 vjet për të mbaruar 2 km rrugë që rrezikon jetët e turistëve kryesore që vijnë në Shqipëri. 11. Skandale në paraqitjet ne panairet nderkombetare të turizmit ku ne Expo 2015 ne Milano, Shqiperia u paraqit me vere siciliane, ndërsa ne Oslo me stendat bosh”, theksoi në deklaratën e tij, Malltezi.