“U bënë pothuajse 12 vjet që kam hequr dorë nga droga, sepse nuk më lejonte të zgjohesha siç zgjohem sot”.
Përmes një videoje të xhiruar në vilën e tij në Dubai dhe më pas të postuar në faqen e vet zyrtarë në Facebook, Diego Armando Maradona rrëfen se si droga është për të sot vetëm një kujtim.
“Kam zgjedhur të bëj një jetë të pastër për fëmijët e mi, për nipërit e mi, edhe për ata që do të vijnë…sepse kujdes…akoma nuk e kam mbyllur fabrikën”, shton ish-kampioni, duke dërguar një puthje të madhe për të gjithë fansat e tij, të cilët i quan ‘maradonianë’.